nokat light

par **kammoun** le Mar 26 Aoû 2008 - 16:11

nokat light

Message par kammoun le Mar 26 Aoû 2008 - 16:11

قالت السيّدة للخادمة الجديدة : "الخادمة الّي قبلك سرقت المغارف ونحبّك انت تكون أمينة." الخادمة: "ماتخافش يا مدام... راني مازلت كي خرجت مالحبس والشُّرطةُ تراقب فيّ بالباهي" (وبعد أيّامات) ... السّيّدة: "شتقول توّا بعد مالقيت خاتمي الضايع في سطوشك ؟" الخادمة: "ماقتلكش آنا إنّو مادامني معاك مايضيعلك شي!.."

ثلاثة بخلاء كانوا يعومو في البيسين، وقتالّي جاعُوا ماتفاهموش على شكون ماشي يشري الماكلة. ياخي اقترح واحد منهم باش يغطُسوا في الما، والّي يخرج الأوّل يمشي يشري الماكلة... وغطسُوا...، ولتوّ ماخرج منهم حتّى حدّ

واحد عندو سبع ولاد بدّل اسمو سفن أب

مرّة وحدة حبّت تشري لولدها صبّاط هبطت للسوق وسهلت لبايع عندكش صبّاط لولدي سنة سادسه ياخي قالها : بأما شعبة؟

شنو الفرق بين المعزة الجاهلة والمعزة المتعلمة؟ المعزة الجاهلة تقول "ماء" أما المعزة المتعلمة تقول "H2O"

سكران طاح مالطابق الثّاني .وقت الّي تجمعو الناس سألوه شنوّا الّي صار؟ قالهم واللّه مانعرف تو كي وصلت

ميكانيكي شرى سرير، رقد تحتو

ثمّ واحد شقّ الطّريق ضربتّو كرهبه ياخي طلعت روحو للسما وهي في الطريق ضربتها طيارة

ثم واحد قتل بوه باش يمشي في رحلة الأيتام. بعد قتل عمو باش ياخذ معاه ولد عمو للرحلة. بعد قتل خالو على خاطرو تعوّد عالقتل. فيلخّر تلغات الرحلة ياخي قتل روحو

ثمّ نصّاب عرّس بمدرّسة رياضيات جابو وليّد شبه منحرف

مرّه حمار جا لخطيبتو وقلها : وقتاش نعرّسو يا حمارة. جاوبتّو: وقتالّي تحسّن ألفاظك

ثمّ وحده حبّت تقتل راجلها قامت حطّتلو مسدس في الماكله

واحد بخيل عرّس مشى لشهر العسل وحدو

واحد نجحو ولادو شرالهم كوره وقالهم اذا تنجحو العام الجاي تو ننفخّالكم

مصري حكا لمرتو نكته قالتلو: ها هاها بايخه ؛ قام قالها: هاهاها إنتي طالق

ثمّ واحد تبرع بالدّم ولّى دمّو خفيف

علّوش سأل أمّو قالها ماااااااااء وين بااااااء قالتلو : امباع

ثمّ واحد سمع على عيد الحب سأل وين يصليو فيه

واحد مشى للملعب معاه علم أكحل علاش..؟ على خاطرو يشجع في الحكم

مرة تلميذ قال للمعلّم : سيدي تعاقب الواحد على حاجه ماعملهاش ؟ قللوا المعلّم :بالطّبيعه لا ولدي . قلو التلميذ : انا ماعملتش التمرين

مدرس كسول طاحت منو الطباشيره قال للتلامذه آي يكفي ليوم نكمّلو الدرس غدوه

ثمّ كوّارجي خذا كوّارجيّة جابو وليّد سماوه هدف مشاو باش يسجلوه طلع تسلل

الأول علاش مافمّاش تين في الأرجنتين الثاني علاخاطرها مالبلدان اللا تينية

واحد بعث جواب لجورج بوش بإنو أي إعتداء على العراق هو إعتداء علي أنا شخصيا

وحدة وقفت تاكسيست سألها وين ماشية قالتلو انا راجلي ما يسألنيش حتى واحد كيفك انت تسألني

ثمّ واحد قتل حماته سأله القاضي إنت الّـي قتلت حماتك ؟ جاوبو :أنا بيدو؛ سأله : شاسمك؟ جاوبو مانحبّش الشهره أما ما فيها باس كان تكتب فاعل خير

ثمّ واحد سياسي عربي حبّ يعرّس باربع نسوان قام اختار كل وحده من دوله عربيّة مختلفة باش ما يتفقوش عليه

الأولى: "علّمتشي ولدك الكلام؟" الثّانية: "آيه.. وآني توّى نعلّم فيه في السُّكوت !"

par **crazyangelbones** le Mar 26 Aoû 2008 - 18:28

Re: nokat light

Message par crazyangelbones le Mar 26 Aoû 2008 - 18:28

kammoun a écrit:

شنو الفرق بين المعزة الجاهلة والمعزة المتعلمة؟ المعزة الجاهلة تقول "ماء" أما المعزة المتعلمة تقول"H2O"

Qui veut atteindre la perfection, veut marcher sur l'horizon. La perfection est impossible à atteindre ? Il y en a pourtant qui la détruisent. L'homme est la perfection de l'Univers, l'esprit est la perfection de l'homme, l'amour est la perfection de l'esprit, et la charité est la perfection de l'amour.[b]

par **Artiste** le Mar 26 Aoû 2008 - 18:46

Re: nokat light

Message par Artiste le Mar 26 Aoû 2008 - 18:46

kammoun a écrit:ثلاثة بخلاء كانوا يعومو في البيسين، وقتالّي جاعُوا ماتفاهموش على شكون ماشي يشري الماكلة. ياخي اقترح واحد منهم باش يغطُسوا في الما، والّي يخرج الأوّل يمشي يشري الماكلة... وغطسُوا...، ولتوّ ماخرج منهم حتّى حدّ

وحدة وقفت تاكسيست سألها وين ماشية قالتلو انا راجلي ما يسألنيش حتى واحد كيفك انت تسألني

E-Mail & Msn : Artiste@Joujmage.com

par **abouafsus** le Ven 5 Sep 2008 - 3:35

Re: nokat light

Message par abouafsus le Ven 5 Sep 2008 - 3:35

wahed khtaf doura chaddou el 7akém ??
mnin jét hédhi